فهاد المقال غادي ندوي ليكم على شركة اوبل الالمانية الغنية عن التعريف و الاخبار لي راجت و لي كتقول بلي غادي تهز لوزين ديالها لي فالمانيا ووغادي تجيبو للمغرب. و لكم باش نفهمو هاد القصة خاصنا نرجعو شويا للور خاصة اننا كنسمعوا فالاخبار بلي مجموعة ستيلانتيس هي صاحبة هاد الفكرة. شكون هي هاد ستيلانتيس و منين جات اولا عندنا واحد الشركة سميتها بوجو تاسسات سنة 1810 الجيل ديال التمانينات كيقولوا ليها بيجو. من بعد ف 1976 هاد بوجو غادي تشري شركة ستروين من شركة ميشلان ف 1978 غادي تزيد تشري شركة كرايسلر اوروبا هاد الشركات كاملين تجمعوا تحت واحد السمية لي هي بوجو ستروين سيتروين غادي تخلق ف 2009 واحد خط انتاج سماتو DS هاد الخط غادي يولي علامة قائمة وبالتالي غادي تولي عندنا مجموعة بوجو سيتروين DS هادشي كامل جمعوه و عجنوه و خرجوا لينا ف 2016 مجموعة PSA لي كتعني Peugeot Société Anonyme القاضية تحركات عند Psa و دارت ارباح قياسية مكناتها ف 6 مارس 2017 من انها تشري من عند شركة general motors شركة opel بواحد الغلاف مالي لي وصل ل 1,3 مليار دولار ف 16 يناير 2021، PSA غادي تدير فيزيون مع fiat chrysler autom...